27 маусым күні өткен дәстүрлі KiaGo автокеруені кезекті рет Kia автокөліктерінің иелерін, олардың отбасы мүшелері мен достарын Алматы облысының көркем бағыттары бойынша ауқымды саяхатқа біріктірді.
Жыл сайын бұл іс-шара бренд қауымдастығы асыға күтетін маңызды оқиғаға айналып келеді. Биылғы жылы автокеруен рекордтық көрсеткішке жетіп, оған 200-ден астам экипаж және 600-ден астам адам қатысты.
Ұзындығы 160 шақырымды құраған маршрут өңірдің көрікті жолдары арқылы өтіп, Қапшағай су қоймасының жағалауында аяқталды. Алайда KiaGo – бұл жай ғана автокеруен емес. Бұл – жол жүрген шақырымдардан бөлек, командалық рух, жаңа әсерлерге ұмтылыс және шытырман оқиғаларға толы ерекше саяхат.
Жол бойында қатысушыларды түрлі тапсырмалар әзірленген арнайы бақылау нүктелері күтті. Экипаждар жергілікті жерде бағдарлау дағдыларын көрсетіп, интеллектуалдық және командалық сынақтарды орындады, тапқырлықтарын, зейінділіктерін және ұйымшылдықтарын танытты. Осындай формат әр қатысушыға эмоция, өзара қолдау және саяхаттан ләззат алу басты құндылық саналатын үлкен автокөлік қауымдастығының бір бөлігі екенін сезінуге мүмкіндік берді.
Мәреге жеткен қонақтар үшін мазмұнды ойын-сауық бағдарламасы ұйымдастырылды. Қатысушыларға маршруттан кейін күш жинап, жайлы атмосферада уақыт өткізу үшін кейтеринг ұсынылды. Мерекелік көңіл күйді арнайы шақырылған хедлайнерлердің концерті, көбік кеші және барлық жас санатындағы қонақтарға арналған түрлі белсенділіктер толықтырды.
Дәстүр бойынша ең көп күтілген сәттердің бірі – жеңімпаздарды марапаттау және бағалы сыйлықтарды ұтысқа салу болды. Kia бренді іс-шара серіктестерімен (Total, Samal Water және Pandora автокөлік дабыл жүйелері) бірге қатысушыларға көптеген жағымды тосынсыйлар дайындап, мерекені одан әрі жарқын әрі есте қаларлық етті.
KiaGo автокеруені кезекті рет Kia-ның жай ғана автокөліктер бренді емес екенін дәлелдеді. Бұл – саяхатқа, жаңа әсерлерге және белсенді өмір салтына құштар жандарды біріктіретін қауымдастық. Осындай іс-шаралар бренд пен оның иелері арасындағы байланысты нығайтып, қатысушылардың жүрегінде ұзақ сақталатын естеліктер сыйлайды.
Алдағы уақытта Kia иелерін жаңа кездесулер, жаңа бағыттар және одан да көп жарқын эмоциялар күтуде. Kia командасы келесі іс-шараларды әзірлеп жатыр және KiaGo жобасы аясында барлық қатысушыларды жаңа саяхаттарда қайта қарсы алуға қуанышты болады. Бірге Қазақстанды жаңаша танып, жаңа қырынан ашуға мүмкіндік мол.
| Видеотчет |